Hurmatli kitobxonlar! E’tiboringizga kutubxonamiz xazinasidagi eng sara asarlardan olingan parchalarni havola etamiz. ✍️ O'tkir Hoshimov 📖 Osmondan Tushgan pul 📚Ushbu asar O‘tkir Hoshimovning nafaqat buyuk romannavis, balki mohir hajvchi ekanligini ham isbotlaydi. Kitobga jamlangan hikoyalar va qissalar o‘quvchini ham kuldiradi, ham chuqur mushohadaga chorlaydi. ​ Suratdagi cho‘ntaklaridan pul toshib chiqayotgan, osmondan tushayotgan dollarlarni tutishga urinayotgan kishi obrazi — jamiyatdagi boylikka ruju qo‘yish, ochko‘zlik va oson daromad topish ilinjidagi kimsalarni kinoya qiladi. ​ Muallif kundalik hayotimizda uchraydigan nuqsonlarni, odamlarning fe’l-atvoridagi g‘alati odatlarni yengil mutoyiba va o‘tkir satira orqali ochib beradi. ​ Kitob bizga baxt faqat pulda emasligini, insoniy fazilatlar har qanday boylikdan ustun turishini o‘ziga xos tarzda uqtiradi.