Joriy yilning 10-sentabr kuni Mirzacho‘l tuman axborot-kutubxona markazi xodimlari tomonidan “Paxtazor” mahallasidagi 16-maktab o‘quvchilari ishtirokida “Badiiy adabiyot — qalb tarbiyachisi” mavzusida kitoblar ko‘rgazmasi hamda bibliografik sharh tashkil etildi. 🌿 Tadbir davomida badiiy adabiyotning inson ma’naviyati va dunyoqarashini shakllantirishdagi o‘rni, yosh avlod tarbiyasidagi ahamiyati haqida atroflicha fikr yuritildi. O‘quvchilarga o‘zbek va jahon adabiyotining nodir namunalari, mashhur adib va shoirlarning hayoti hamda ijodiga oid kitoblar tavsiya qilindi. 📚 Kitoblar ko‘rgazmasida o‘quvchilarning yoshiga va qiziqishlariga mos bo‘lgan turli janrdagi badiiy asarlar namoyish etildi. Bibliografik sharh jarayonida kitoblarning mazmun-mohiyati, tarbiyaviy ahamiyati va ularni mutolaa qilish orqali bilim hamda tafakkurni boyitish imkoniyatlari haqida ma’lumotlar berildi. ✨ Tadbirda o‘quvchilar faol ishtirok etib, o‘zlarini qiziqtirgan adabiy asarlar yuzasidan savollar berdilar. Yosh kitobxonlarda kitobga bo‘lgan qiziqishni yanada oshirish, mutolaa madaniyatini shakllantirish va bo‘sh vaqtlarini mazmunli tashkil etishga alohida e’tibor qaratildi. 📖 Zero, kitob — inson qalbiga ezgulik, tafakkur va ma’rifat nurini olib kiruvchi bebaho manbadir.