Joriy yilning 22-sentabr kuni Mirzacho‘l tuman axborot-kutubxona markazi xodimlari tomonidan “Mustaqillik” mahallasida tashkil etilgan ko‘chma kutubxona fondidagi adabiyotlar yangilanib, sayyor tadbir tashkil qilindi va mahalla xotin-qizlarini oilaviy kutubxonaga a'zo boʻlishi targʻib qilindi. ​ Kitob har bir xonadonning maʼnaviy koʻrki, oila davrasidagi iliqlik va shukuh manbaidir. Bugungi kunda yoshlarimiz va aholining kitobga bo'lgan mehrini oshirish, yurtimizda kitobxonlik madaniyatini yanada yuksaltirishga qaratilgan bunday tadbirlarning ahamiyati beqiyos. ​Ushbu jarayonda quyidagi muhim ishlar amalga oshirildi: ​Ko‘chma kutubxona fondining boyitilishi: Aholi, uy bekalarining qiziqishlarini inobatga olgan holda, ko‘chma kutubxona fondi yangi oʻzbek va jahon  adabiyotining eng sara namunalari,  tarbiyaviy adabiyotlar bilan to'ldirildi. ​Xotin-qizlar va oilaviy kitobxonlik targʻiboti: Mahalladagi faol  opa-singillarimizga oilaviy kutubxonalarga a’zo bo‘lishning qulayliklari, kutubxona taqdim etayotgan imkoniyatlar batafsil tushuntirildi. ​Mutolaa va yoshlar tarbiyasi: Farzandlarimizni kitobga oshno qilish, ularda kichik yoshdan boshlab mutolaa ko‘nikmasini shakllantirishda oilaviy muhitning va onalarning o'rni qanchalik muhimligi ta'kidlab o'tildi.