Joriy yilning 30-oktabr kuni Mirzacho‘l tuman axborot-kutubxona markazi xodimlari tomonidan Nuroniylar jamiyati binosida nuroniylar ishtirokida buyuk ma’rifatparvar bobolarimiz merosiga bag‘ishlangan “Ma'rifat yo‘lida jon fido etgan jadidlar” mavzusida davra suhbati hamda bibliografik sharh tashkil etildi. 🗣️Tadbirda Mahmudxo‘ja Behbudiy, Munavvarqori Abdurashidxonov, Abdulla Avloniy, Abdurauf Fitrat, Abdulhamid Cho‘lpon va Abdulla Qodiriy kabi fidoiy ma’rifatparvarlarimizning hayot yo‘li, ularning boy ilmiy-adabiy merosi hamda millat milliy o‘zligini anglash yo‘lidagi xizmatlari xususida atroflicha so‘z yuritildi. Uchrashuv davomida nuroniylar o‘zlarining boy hayotiy tajribalaridan kelib chiqib, jadidchilik harakati namoyandalarining mashaqqatli mehnati va ular qoldirgan o‘lmas meros haqida samimiy fikr-mulohaza bildirdilar. Shuningdek, yosh avlodni kitobxonlikka jalb etish hamda ularning ongida tarixiy xotirani shakllantirishda nuroniylarning o‘rni muhim ekanligi ta’kidlandi.