Davra suhbati

Joriy yilning 19-noyabr kuni “INFOLIB O‘ZBEKISTON–2026” XV Milliy axborot-kutubxona haftaligi doirasida Mirzacho‘l tuman axborot-kutubxona markazida 14-maktab o‘qituvchilari hamda o‘quvchilari ishtirokida “Bir kitob — ming taassurot” mavzusida davra suhbati o‘tkazildi. 🗣️​Tadbirda kitob o‘qishning inson hayotidagi o‘rni, tafakkur va dunyoqarashni kengaytirish hamda ma’naviy kamolotga erishishdagi ahamiyati haqida atroflicha so‘z yuritildi. ​Suhbat jarayonida o‘quvchilarga kitob tanlash madaniyati, badiiy adabiyotni muntazam o‘qish, asarlardan to‘g‘ri xulosa chiqarish va olgan taassurotlarni o‘rtoqlashish yuzasidan foydali tavsiyalar berildi. ​Shuningdek, qatnashchilar o‘zlari sevib o‘qigan kitoblari, olgan taassurotlari va adabiy qahramonlar haqidagi fikrlarini bildirdilar. Fikr almashuv chog‘ida kitobxonlikning inson ma’naviyatini yuksaltirishdagi o‘rni alohida ta’kidlandi.